Ek dhaga tha pyar ka mere, chand uljhan me toot gaya,
ek ped tha saalon ka pyasa, par sawan me toot gaya,
Kuch logo ke dil hain patthar jo todne se bhi na toote,
ek rishta tha mera unse bas anban me toot gaya,
ek ped tha thoda hara bhara sa fal dete dete thak kar,
laga hua tha jo barso se mere aangan me toot gaya,
nazuk sa tha thoda sa bandha hua tha pairo se,
mera dil tha payal sa bas chan-chan me toot gaya,
umeed, bharosa, khwab, haqikat, or kuch duniya ki chizen,
bacha na kuch ab JAMI ke paas sab jeevan me toot gaya...
By : Jami Ansari 
