Dekh lu fir se haseen yaar ke chehre ko,
mere khuda puri tu dil ki ye hasrat kar de,

na roothu kisi se aur na kabhi jhagdu kisi se,
door dil se humesha ke liye nafrat kar de,

sula le mujhe fir se apne kadmo me aye MAA,
meri bekar si zindagi ko tu jannat kar de,

lag jayen gale roothe hue bhai se bhai ek din,
unke dilon me paida kuch aisi mohabbat kar de,

me use chahta hu aur chahta hee rahunga,
bas dua hai use tu meri amaanat kar de...