Kar koshishen aage badhne ki yun rone se kuch nahi hota,
nikal ja khwabon se aage yun sone se kuch nahi hota,

tera muskurana hi tere dushmano ki haar hai,
unhi ke samne palken bhigone se kuch nahi hota,

zindagi ke safar me akele chalna sikho,
kisi ko pane aur kisi ko khone se kuch nahi hota,

chhuna hai aasmaan to udh ja aasmaan ki taraf,
zameen pe reh kar sapne sanjone se kuch nahi hota,

Utha sakte ho to kisi insaan ka bojh uthao JAMI,
Ye bade bade pattharon ko dhone se kuch nahi hota...